EP. 34 靈魂藍圖解碼 - 顯示者 | 學會 "告知" | 平靜的生活藝術

在這一集的 STARSEED 遊學團播客中，我會深入探討人類圖中的 顯示者 類型的獨特特徵。我會談到顯示者常被誤解為難相處或冷漠，但其實他們擁有將願望直接顯化為現實的非凡能力。

能成為顯示者的先決條件，首先有開放的薦骨中心和喉嚨中心與一個或多個能量中心之間的直接連接有多麼重要。這種連接讓顯示者能夠在不等待外部邀請的情況下，將自己的能量轉化為行動或溝通，這與其他能量類型截然不同。
 
 顯示者的封閉和反抗氣場，使得他們顯得神秘，也可能導致他人對他們的意圖感到不確定。這種氣場雖然保護了他們的能量，但也可能引起誤解。

然而，缺乏持續的能量可能會讓顯示者感到沮喪，因為他們的雄心計劃在沒有合作的情況下似乎難以實現。

這一集還會強調溝通對顯示者的重要性，鼓勵他們與他人分享自己的願景和意圖，以減少誤解並獲得支持。我會概述一些有效溝通的策略，例如耐心、清楚表達意圖和尋求反饋。

最終，我希望這一集能夠慶祝顯示者的獨特性，鼓勵大家擁抱自己的差異，並意識到自己對周圍人的影響。

Welcome to Find Your Power Podcast

Transcript

EPISODE 34 - 顯示者

Hello, 大家好！我係 Felicia，歡迎收聽 STARSEED 遊學團。今集係人類圖系列，我哋會拆解顯示者（Manifestor）。顯示者經常俾人一種比較麻煩、難相處的感覺；成日都得個講字，做就無佢份，但又令人羨慕，因為只有顯示者有顯化嘅能力，究竟係咪真呢？今集我哋就去認識下顯示者其實係點嘅呢？

顯示者有咩先決條件呢？首先，薦骨中心係開放的，長時間工作或做某件事，有機會身體有耗損或出現狀況。而且要有一條通道直接由喉嚨中心連結至一個或多個動力中心，即係情緒中心、跟中心或意志力中心。所以顯示者係能量型，動力中心連接喉嚨中心，把能量轉化成行動或語言。

符合到呢啲先決條件嘅人係社會中較少數的一群，估計人口約只有 9%。顯示者嘅氣場係封閉而且具有反抗性/對外排斥，好似一道能量保護罩，保護顯示者，阻隔顯示者和其他能量的直接交流，因此顯示者有種神秘、我行我素，難以親近的感覺。如果唔係顯示者主動示好或交流，就唔好打擾佢哋的感覺。這同生產者開放的能量類型好唔同。

因為顯示者係一群人、一個社會，相對於薦骨中心有定義的生產者和顯示生產者屬於少數，所以容易引起周圍人的不安，不知道顯示者想做咩、想要咩。

顯示者的顯化能力，想就做，JUST DO IT。由於顯示者獨特的能量運作，佢哋可以不必等待，就能“發起”的能量，主動開始做事情。例如對話、業務，唔似大部分人需要等待機會或邀請，顯示者擁有發起事情的能量，創造新機會，開始新可能。

而顯示者封閉且排斥的氣場又有咩用呢？顯示者可以用佢哋的氣場去影響身邊的人去開創。正因為顯示者的薦骨中心係開放的，所以佢哋冇生產者類型，要想到就會即刻去做的壓力，亦唔會因為投入工作而感到滿足。

當動力中心直接連接到喉嚨中心會發生咩事呢？顯示者見到一件事的可行性，計劃得好大，藍圖好完美，想得好美好最好的結果，但係冇持續的生產力配合，也冇一種要去生產的壓力，所以由產生念頭到達成未來理想、目標之間，會產生一種好巨大嘅距離，想跳過中間的生產過程而得到成果。因此，很多時顯示者會俾人一種高騖遠、吹水唔抹嘴，或者單係吹水唔係做的形象。

所以顯示者需要別人一起合作，把計劃完善妥當完成。顯示者要學會跟蹤自己的內在權威去告知，把自己的看法告訴別人，讓感到有興趣的人支持你想做的事情。顯示者最常見的盲點，就係自以為只要專注於自己嘅事，活在自己嘅世界，唔去同其他人有任何連結，就冇問題啦。但係佢哋唔知道自己嘅氣場已經驚動咗身邊嘅人，或者佢哋的行為往往會對身邊的人造成影響。

EXAMPLE：

顯示者同其他能量類型的差別。想像我哋返到工業世界，我哋一班人都會喺工廠度工作，而每日的工作就係將食物包裝好，將預先整好嘅麵包一個一個放入包裝袋，直至包裝好所有麵包就完成一日的工作。

對於生產型的人來講，每日用到自己嘅能量，可以用自己嘅努力換來金錢，貢獻社會，養活屋企人，就會感到滿足。但對顯示者來講，呢種工作模式就難以帶來滿足感，因為顯示者沒有薦骨能量，而顯示者最重要的情緒主題係和平。

所以顯示者會想發起新事物，心中會有個藍圖，想知道有冇一樣嘢可以取代重複性地人手將麵包放入袋中，會唔會有一個機器可以做到呢？但因為呢個係一個全新嘅概念，如果要解釋給每個人聽，顯示者會覺得這實在太煩了，呢個就係佢嘅封閉而又反抗式的氣場。記得我哋之前講過顯示者的盲點，就係我懶得同你講，反正講咗你都未必會聽得明，咁不如我唔講啦。

由於佢哋嘅動力中心係連接到喉嚨中心，加上佢哋唔需要等待就可以發起，所以佢哋一想到就會顯化，然後去做，JUST DO IT。可能有一日當大家都返到工廠時，一般人會繼續將麵包放入袋中，但顯示者做咩呢？佢已經開始搵鐵、搵資源、搵零件，諗緊點樣去設計呢部機器。

周圍的人可能會覺得顯示者好古怪，大家一齊入麵包嘛，究竟你喺做咩呢？可能呢啲人就會去阻止，或者質疑顯示者而家做的事。顯示者會覺得你哋點解要阻止我呢？我要做的其實係為大家省力，將來唔使浪費時間去包麵包。所以當顯示者唔被理解，而佢哋亦冇花時間去告知，就會產生很多憤怒，因為根本冇人明白我。顯示者的憤怒源於佢哋的唔告知。顯示者可能會覺得這根本唔關其他人的事，我只係做自己想做的，而且我只係自己做，亦冇影響到其他人。

但係真係冇影響到其他人嗎？真係唔關其他人事嗎？當然唔係啦。如果少咗一個人去將麵包放入袋中，咁會產生延遲交貨，或者其他人可能會仿效顯示者，喺自己嘅崗位工作。所以好多時顯示者嘅所作所為，都會有意無意咁驚動到身邊嘅人。

顯示者會覺得唔係問題，我自己做自己事，有影響你嗎？但係因為你嘅唔告知而驚動咗很多人，才導致別人的阻攔。再講，要一手一腳創造一部機械，從設計、畫圖到裝置、測試，對顯示者來講，冇薦骨能量的支持，真係咁容易嗎？

呢個都係顯示者容易發脾氣、內在憤怒的原因。告知係達成目標的重要策略。告知可以讓你和外界溝通，減少誤會，亦可以幫助你順利進行自己想做的事情。

告知的重要目的：

1. 獲取意見，修正計劃。修補盲點，看看我的計劃有冇不足，需要更全面的意見，讓計劃實行得更容易。
2. 表明緣由，減少別人的懷疑。就算無興趣參與，但至少知道無影響到別人，就不會阻止你。雖然作為顯示者唔期望有別人幫手，但至少唔會出手阻止。
3. 引起回應，獲得動力。讓可以借力給你的人找到你。顯示者冇薦骨能量，要自己一個人持續去完成一件事係好吃力的。

如何好好告知：

1. 告知的程度
2. 告知對象
3. 有耐性的溝通

制約的關鍵來源：

• 害怕被不喜歡和拒絕。
• 討人喜歡，讓人喜歡。
• 相信佢哋需要適應/融入。
• 相信憤怒是不好的，因此將其埋葬。
• 相信邏輯勝過內心的認知（衝動）。

傳達給顯示者的關鍵訊息：

• 感覺自己很奇怪，這很正常，而且很自然。
• 你是不同的，你的氣場很獨特。擁抱你們的差異，停止試圖融入。
• 你會觀察到邊個人會因你嘅決定而受到影響，然後告知對方你的決定。但係你不需要佢哋的認同或答應幫助，佢哋的反對意見不代表你要放棄行動。因為你總係能夠吸引到啱嘅人，佢哋會支持同幫助你創造能量的流動。