Find Your Power Podcast
Hi I'm Felicia. I am creating this podcast channel to share what I love about human design and astrology, and how do we rise from the sterotype of these systems to find liberation of embracing the uniqieness of each of us.
We all choose to be in this earth in this lifetime with an unique setting of being a human. Our natal chart and human design chart tell a mutidimemsional story of who we were in the past and who have chosen to be in this lifetime.
We come here with specific strengths, conditionings and specific purpose. With Human Design and Astrolgy, we can navigate this humam journey beautifully.
I'm a 4/6 Sacral Generator. Pisces Sun and Moon, and Aquarius Rising. Nice to connect with you here.
If you like this channel, please share and feel free to connect with me via Instagram or email.
I have also created a Human Design PlayBook which covers how each energy type works in business; and the money codes hidden in your Human Design Chart. You can download it for free below.
Follow me on Instagram:
Felicia: @felicia_global
Download the Free Human Design Playbook:
https://www.felicaiglobal.com/lead-collection
For Reading:
Find Your Power Podcast
靈魂藍圖解碼 - 人類圖基本概念 | 如何讓你的主權回歸？
感謝您收聽我們的播客！與我們分享您的聆聽體驗，這對我們來說確實很有價值。
歡迎收聽 STARSEED 遊學團！我係 Felicia，將會係呢個啟發性嘅旅程中陪你探索人類圖嘅世界。經過短暫休息，我好興奮可以再次深入探討點樣解碼你獨特嘅靈魂藍圖，即係你嘅人類圖。
自從三月以來，我哋已經錄製咗26集，今次我嘅拍檔 Minutes 會休息一陣。喺接下來嘅系列中，我會帶領你了解人類圖——無論你係新人，定係想更加深入了解。
人類圖系統結合咗西洋占星、易經、卡巴拉、脈輪系統同量子物理學。每集節目旨在幫助你了解自己嘅能量動態，改善人際關係，並更真實地導航自己嘅人生使命。
今集我哋會簡單介紹人類圖，討論佢點樣成為我哋生活嘅藍圖。學習點樣搵到你嘅圖表，以及佢反映你獨特優勢同潛力。
讓我哋一齊展開呢段變革嘅旅程，擺脫社會嘅制約，擁抱自我獨特性。記得訂閱，獲取可以引領你過上更自覺、更充實生活嘅見解！如果你有問題，隨時DM我 Instagram @felicia_global。
下集見！
Welcome to Find Your Power Podcast
Follow me on Instagram @felicia_global
Download the Human Design Playbook:
https://www.felicaiglobal.com/lead-collection
For reading: https://www.felicaiglobal.com/booking
If you enjoy this episode, please like, subscribe and share!
Hello, 大家好！我係 Felicia，歡迎收聽 STARSEED 遊學團！已經有幾個月冇 upload 新嘅 podcast 了，多謝大家繼續支持我。Starseed 遊學團不知不覺都已經由年三月開始到而家，我哋已經錄製咗26集，一路呢都同我嘅拍檔 Minutes 一齊錄製，而嚟緊呢幾個月會有啲唔同，我嘅拍檔 Minutes 會休息一陣。就係呢會由我主持。在這個系列中，我會分享點樣自己拆解你嘅人類圖，亦即你嘅靈魂藍圖。希望透過呢個 podcast，可以幫助大家踏上一個更加自覺、更加自主嘅人生，用咗踏實嘅腳步去行靈性嘅生活。
無論你係已經聽過人類圖，但未有詳細研究，定係你曾經接觸過但唔知點解讀，抑或你已經認識自己嘅人類圖，想更深入了解人類圖如何反映你自己同身邊嘅人際關係，記得要訂閱呢個 Channel！因為接下來，我會幫助大家更好地認識你嘅靈魂藍圖，教你點樣由淺入深，正確理解自己嘅人類圖，仲會解釋一些常見嘅誤解。
今集呢我哋會簡單介紹吓，其實人類圖係咩呢？人類圖點樣喺我哋嘅生活裏面提供一個好好嘅藍圖呢？亦都可以點樣搵到自己嘅人類圖呢？
我哋出世嗰一刻，恆星流動嘅中微子為我哋留下一個印記，呢個印記完全反映喺我哋嘅人類圖中。人類圖決定咗我哋嘅獨特設計，幫助我哋了解本質，同埋顯示潛力和互動模式。
簡單來講，人類圖結合咗西洋占星、易經、卡巴拉、脈輪系統同量子物理學，係一個人類自我探索嘅系統。每個人嘅人類圖都獨一無二，佢展示我哋嘅能量如何運作，以及與世界互動。
人類圖唔係宗教或占卜工具，同任何信仰無關。了解你嘅人類圖可以幫你用最簡單、最開心嘅方式，活出屬於自己嘅豐盛人生，幫助你去發現自己嘅人生使命、了解自己、改善你嘅人際關係、搵到一個合適你嘅工作事業，甚至令你變得更加健康。
喺過去呢10年從事瑜伽 & 身心靈健康嘅工作，我亦都見證好多人的身體狀況。好多時我哋嘅健康來源，除咗係來自我哋嘅日常生活飲食習慣，亦都好視乎我哋嘅內在機制，例如我哋自己嘅受外界嘅制約、信念系統、思考模式、情緒管理等等。
係人類圖嘅引導下，你會學識點樣正確衡量自己嘅能力，為自己建立適合嘅規範，避免陷入能量超支嘅狀態。慢慢會學識點樣尊重同表達你自己嘅感受同意願，由受害者轉化成為生命嘅創造者。
人類圖係一套博大精深嘅系統，學習可能要花幾年時間。人類圖創辦人 Ra Uru Hu 講過，一個人需要大約七年去經歷去除外在制約嘅過程，重新建立你嘅內在權威，成為最開心、最自在嘅自己。
乜嘢係制約（Conditioning）呢？例如社會有一套標準來量度成功、開心，大人會用上一代，或傳統一刀切嘅模式去定義一個小朋友係乖、懶惰、愚蠢等等。從細細個開始，我哋往往會被社會或家庭嘅傳統觀念定義自己。如果用一樣嘅模式去定義自己，而呢個定義剝削咗我哋嘅本質，久而久之，我哋會感到挫敗、痛苦、疲倦。
地球嘅意識不斷躍進，我哋要知道每個人都獨特，對快樂和成功嘅定義都唔一樣。所以，最重要嘅係搵返自己獨特嘅能量藍圖，成功經營自己嘅人生。
當我哋認識自己嘅能量藍圖，慢慢去除外在嘅制約，就會找到內在權威，重新定義和創造自己嘅實相。我哋亦會學識尊重他人嘅能量藍圖，欣賞每一個人嘅獨特性，理解社會嘅多元化。
要知道自己嘅人類圖，需要你嘅出世年月日和時辰。為咗更準確，有時仲需要知道出世嘅分鐘。不過，大部分情況下，你嘅出世年月日同時辰已經提供咗好多資訊。
你可以上 Google 搜尋「Jovian Archive」，輸入你嘅出世資料，準確地選擇你嘅地區，就可以得到你嘅人類圖。至於我自己做 reading 時，鍾意用 Neutrino Platform 嘅訂閱版本，因為可以查看四個箭嘴變量、Transit Chart 同合併圖。但基本上，只需要用 Jovian Archive 就可以得到你嘅人類圖。
差唔多啦！下一集我會解釋一個人類圖嘅基本架構。如果有時間，可以上網下載你嘅人類圖，咁你就可以一邊聽一邊參考自己嘅人類圖啦。臨走之前，希望大家可以訂閱我哋嘅 Channel！如果有問題，記得 DM 我 Instagram @Felicia_global。我哋下集再見！
